Nëntë herë fituesja e “Grammy”-t, Rihanna dukej më elegante se kurrë më parë e veshur me një pallto të zezë të gjatë dhe çizme deri tek kofshët, ndërsa doli për darkë në New York gjatë të hënës (9 tetor)
Të gjithë sytë ishin te krijuesja e hitit “Diamonds”, teksa ajo iu afrua makinës së saj me një xhaketë “Dries Van Noten” gri qymyri dhe një palë çizme “Balenciaga”, pasi doli nga darka me miqtë.
Themeluesja e “Fenty Beauty” e kishte kombinuar veshjen e saj me një gjerdan diamanti dhe një çantë të madhe të kuqe, të cilën e mbante nën krahun e majtë.
Flokët brune me onde të nënës së dy fëmijëve i ranë poshtë shpatullave me valë të lëshuara, ndërsa ajo kaloi një natë të rrallë larg dy fëmijëve të saj dhe partnerit ASAP Rocky.
Kjo dalje e saj vjen vetëm dy muaj pasi ajo solli në jetë djalin e saj të dytë, Riot Rose Mayers.
Sipas certifikatës së lindjes të marrë nga The Blast, djali i tyre lindi më 1 gusht 2023, në spitalin Cedar Sinai në Los Angeles.
Çifti zgjodhi të vazhdonte me traditën e tyre duke i vendosur djalit emrin që fillonte me shkronjën ‘R’, njësoj si djali ityre i parë, i lindur në maj të vitit 2022, RZA Athelston Mayers.
