Në gjyqin për trafik seksual ndaj Sean “Diddy” Combs kanë dalë në dritë prova të reja që kanë shkaktuar tronditje.
Fotot e publikuara tregojnë arsenal të pazakontë që FBI zbuloi në rezidencën e tij në Los Angeles gjatë bastisjes së marsit 2024.
Sipas mediave amerikane, agjentët federalë sekuestruan rreth 200 shishe vaj për foshnje dhe afro 900 shishe lubrifikanti të markës Astroglide.
Të gjitha këto ishin të ruajtura në një kuti luksoze me kontroll lagështie, e ngjashme me një humidor të sofistikuar për puro.
Agjentët gjetën gjithashtu kuti kartoni të mbushura me lubrifikantë, që arrinin deri në tavan, si dhe çanta e sirtarë të stërmbushur me produkte intime.
“Gjatë gjithë karrierës sime nuk kam hasur kurrë në një sasi kaq të madhe të këtij lloji”, deklaroi agjenti Andre LeMon nga Homeland Security, duke e cilësuar zbulesën si të jashtëzakonshme në hetimet për trafik njerëzor.
Bastisja në Los Angeles ishte pjesë e një operacioni më të gjerë, ku FBI kontrolloi edhe vilën e Diddy-t në Miami Beach, në kuadër të hetimeve për trafik seksual, shfrytëzim prostitucioni.
Fotot e paraqitura në sallën e gjyqit konsiderohen prova kyçe në një nga proceset më të ndjekura të vitit dhe pritet të kenë ndikim të madh në vendimin e jurisë.
