Me ndryshimin e temperaturës dhe uljen e orëve të ditës, tipike të kësaj periudhe, trupi ynë ka nevjë për lëndë ushqyese që na ndihmojnë të forcojmë sistemin imunitar, të mbajmë energjinë në nivele të larta dhe të përballojmë të ftohtin në mënyrë optimale.
Ngrënia e ushqimeve të stinës jo vetëm që ndihmon në mbajtjen e trupit të shëndetshëm, por gjithashtu na lejon të vlerësojmë shijet e freskëta dhe origjinale që ofrojnë këto muaj.
Dhe ja cilat janë ato:
Kungulli
Një nga ushqimet më të mira të vjeshtës është kungulli. Ai është i mbushur plotë lëndë ushqyese kryesisht me vitaminë A. Vitamina A ndihmon në mbajtjen e një lëkure të shëndetshme dhe mbështet shikimin gjatë kohëve të errëta për shkak të motit.
Lakra e bardhë
Lakra është e pasur me vitaminë C dhe K të cilat ndihmojnë në forcimin e sistemit imunitar dhe luftojnë radikalet e lira falë vetive antioksiduese. Për më tepër, është një aleat i shëndetit kardiovaskular, pasi ndihmon në uljen e inflamacionit dhe mbajtjen e zemrës të shëndetshme.
Mollët
Thënia popullore “një mollë në ditë e mban mjekun larg”, nuk është aspak ekzagjerim. Ky frut është në fakt një nga më ikonat e stinës së vjeshtës dhe një burim i shkëlqyer i fibrave, vitaminave dhe antioksidantëve. Mollët janë të pasura me pektinë, një fibër që ndihmon në përmirësimin e tretjes dhe mban nën kontroll nivelet e kolesterolit. Për më tepër, përmbajtja e antioksidantëve hmon në mbrojtjen e trupit nga dëmtimet e shkaktuara nga stresi oksidativ, duke forcuar sistemin imunitar.
Gështenja
Gështenjat janë një ushqim i pasur me karbohidrate komplekse , të cilat ofrojnë energji afatgjatë. Ato janë gjithashtu një burim i mirë i fibrave, të cilat ndihmojnë në tretjen dhe shëndetin e zorrëve. Gështenjat janë natyrisht të ulëta në yndyrë, duke i bërë ato një zgjedhje të shëndetshme për ata që kërkojnë një rostiçeri të lehtë por ushqyese.
Kërpudhat
Kërpudhat janë një ushqim klasik i kësaj stine dhe nuk duhet të mungojnë në dietën e përditshme. Ato janë të pasura me vitaminë D që shpesh mungon në muajt e ftohtë pa diell.
Panxhari
Panxhari është një ushqim vjeshte që ofron përfitime të shumta shëndetësore. I pasur me antioksidantë dhe fibra, panxhari ndihmon në përmirësimin e qarkullimit të gjakut dhe uljen e presionit të gjakut. Përveç kësaj, ato janë një burim i shkëlqyer i folatit, i cili është thelbësor për prodhimin e qelizave të kuqe të gjakut dhe mirëqenien e sistemit nervor.
Brokoli
Brokoli është ndër ushqimet më të shëndetshme të vjeshtës falë përmbajtjes së lartë të vitaminave C dhe K , të cilat mbështesin sistemin imunitar dhe shëndetin e kockave. Ato janë gjithashtu të pasura me fibra, të cilat ndihmojnë tretjen dhe ndihmojnë në mbajtjen nën kontroll të peshës. /living
