Pak muaj më parë, ish kryeministri i vendit Fatos Nano për një kohë të gjatë ishte në luftë me jetën.
Ai ka qëndruar në reanimacionin e një spitali privat në Tiranë dhe shkak është bërë një sëmundje në mushkëri, që i ka krijuar vështirësi të mëdha në frymëmarrje.
Por kur kanë kaluar rreth 7 muaj e gjysëm që nga ajo periudhë, ish kryeministri Nano është rikthyer në formë.
Ishte mjeku okulist, Pajtim Lutaj ai që publikoi dy foto me Nanon.
“Me Fatos Nanon, mikun tim të çmuar, social demokratin e Europës moderrne, liderin historik të socialistëve Shqiptar. Një drekë e këndshme mbas problemeve shëndetësore, rekuperim mbresëlënës. Jetë të gjatë Fatos për të mirën e shqiptarëve dhe demokracisë ne Shqipëri dhe Kosovë”, shkruan në Facebook mjeku Lutaj, duke bërë kështu edhe një përditësim të gjendjes shëndetësore të Fatos Nanos.
Fatos Nano qëndroi disa ditë i intubuar në një spital privat në kryeqytet, vitin e kaluar dhe u intubua për shkak të një problemi respirator, që në gjuhën mjekësore, njihet si SPOK, sëmundje pulmonare obstruktive kronike.
Fatos Nano ka drejtuar Partinë Socialiste për 14 vjet dhe ka shërbyer tre herë si kryeministër i Shqipërisë
