Përdorimi i marijuanës, sikur edhe vetëm një herë në muaj, lidhet me një rrezik më të lartë të atakut kardiak dhe goditjes në tru, sipas një studimi të publikuar nga studiuesit në spitalit të Masaçusetsit, shkruan news.yahoo.com.
Sipas eksperimenteve rreziqet rriteshin ndjeshëm sa më shpesh të përdorej marijuana.
Artikulli i botuar shton numrin në rritje të provave që sugjerojnë se marijuana mund të jetë e dëmshme për sistemin kardiovaskular.
Shkencëtarët analizuan të dhënat nga gati 435 000 pacientë, të moshës 18 deri në 74 vjeç, për të parë nëse kishte një lidhje midis përdorimit të marijuanës dhe një rreziku më të lartë të sëmundjeve të zemrës, goditjes në tru ose atakut kardiak.
Të dhënat vijnë nga një anketë e faktorëve të rrezikut të sjelljes të mbledhura nga viti 2016 deri në vitin 2020 nga Qendrat për Kontrollin dhe Parandalimin e Sëmundjeve.
Krahasuar me njerëzit që nuk kishin përdorur kurrë marijuanë, përdoruesit e përditshëm të kanabisit kishin 25% më shumë gjasa të kishin sulme në zemër dhe 42% më shumë të ngjarë të kishin goditje në tru.
Njerëzit që përdornin marijuanë vetëm një herë në javë kishin 3 për qind më shumë gjasa për sulme në zemër dhe 5 për qind më shumë rrezik për goditje në tru gjatë periudhës së studimit.
”Studimi është ndër më të mëdhenjtë që demonstron një lidhje midis përdorimit të marijuanës dhe shëndetit kardiovaskular tek njerëzit që gjithashtu nuk pinë duhan”, tha studiuesja kryesore Abra Jeffers, shkencëtare e të dhënave në spitalin e Masaçusetsit.
Historikisht, disa kanë hedhur poshtë studimet mbi marijuanën dhe problemet e zemrës, sepse pjesëmarrësit shpesh përdorin duhan dhe produkte marijuane duke e bërë të vështirë përcaktimin se cila substancë është në të vërtetë fajtore”, theksoi Jeffers.
