Nuk e di nëse e keni kuptuar kur keni ndjekur komentet tona mbi lojën, por disa herë është thënë tërthorazai. Po e lexuat mirë titullin! Jetmir Salaj do të jetë nesërmbrëma banori më i ri i Big Brother VIP Albania.
Pas 14 vitesh, Jetmiri është gati të garojë sërish për të fituar çmimin e madh.
Ish banori i Big Brother jeton prej vitesh në Kanada ku është i martuar dhe është bërë baba i një vajze.
Edhe pse i shkëputur fikizisht prej kohësh nga Shqipëria, Jetimiri ka qenë mjaft aktiv në jetën publike, sidomos i angazhuar me kanalin Albanian Youtubers dhe komentet e tij mbi lojën e Big Brotherit.
Kujtojmë se Jetmiri ka qënë fitues i edicionit të tretë të Big Brother ku la gjurmë jo vetëm në atë edicion, për mençurinë, këmbënguljen, batutën dhe qëllimin e tij të vetëm, triumfin.
Sot pas kaq shumë kohësh, do të njohim një dimesion të ri të tij, ndërsa do të garojë përballë personave të tjerë të famshëm gjithashtu, ndërsa loja është në gjysmën e saj.
A do t’i ketë ende reflekset e një fituesi, kjo mbetet për tu parë, por ju tashmë e dini për kë duhet të votoni që tani e tutje.
