Disa javë më parë Foli.al zbuloi ekskluzivisht moderatoren e show-t që pritet të nisë në muajin mars në Vizion Plus , Fjoralba Ponarin si dhe shtatë emra të cilët do të jenë pjesë.
Krahas Ardit Çunit, Çiljeta Xhilagës, Marjana Kondit, Xhesika Polos, Egli Takos, Florian Agalliut dhe Niko Komanit, Foli.al mësoi ekskluzivisht edhe dy personazhe të tjerë.
Ata janë personazhi i njohur në TikTok, Dionis Biba dhe kuzhinieri i famshëm në rrjete sociale, Gledis Gegaj.
“Ferma Vip” ose “La Fattoria” siç ka qenë versioni italian i programit, është një reality show që të sfidon psikologjikisht, por edhe fizikisht, i krijuar nga suedezët e Strix dhe që do të sjellin personazhet e njohur shqiptarë, siç nuk i keni parë ndonjëherë.
