Prej një muaji flitet për një akord verbal mes Antonio Contes dhe drejtuesve kuqezinj për zëvendësimin e Piolit në stolin e ‘Djallit’. Nëse nuk do të ketë ndonjë surprizë deri në fundin e sezonit, Conte ka gati listën me përforcime për rreshtimin 3-5-2.
Duke filluar me Romelu Lukaku të cilin e njeh nga koha e Inter dhe që mund të vijë për €40m.
E njëjta shumë duhet shpenzuar edhe për Federico Chiesa’n i cili nuk preferohet dhe aq shumë nga Max Allegri në Juventus Stadium. Në mesfushë Conte pëlqen Rodrigo de Paul – aktualisht te Atlético Madrid – që mund të vijë për rreth €30m. Ndërsa në qendër të mbrojtjes kandidat është Alessandro Buongiorno të cilin Torino nuk e lëshon për më pak se €40m.
Mirëpo blerja e parë e Milanit të Contes mund të jetë Giovanni Di Lorenzo që do të zëvendësojë Davide Calabria’n. Kapiteni i Napolit vlen €30m. Paratë për këto transferime do të përftohen nga shitjet e Rafael Leão te PSG ose në Premier League si dhe të ardhurat nga transferimet e Charles De Ketelaere dhe Alexis Saelemaekers.
