Ekskluzive/ Aksidentohen në Finlandë motrat Pojani. Ina tregon ngjarjen për Foli.al
Megi Pojani është emri i bukuroshes shqiptare që bën bujë në rrjete sociale.
Ajo bashkë me motrat e saj marrin vëmendje me postimet jeta e përditshme.
Por së fundi, ndërsa të gjithë po prisnim fotot e rradhës nga udhëtimi i tyre i mrekullueshëm në Finlandë, Megi postoi foton e pasqyrës së thyer të makinës me mbishkimin.
“Desh na fshiu një trajler sot. Bravo Ina Pojani” pa dhënë asnjë detaj më shumë
Foli.al kontaktoi me Inën, e cila na e tregoi të gjithë dinamikën e ngjarjes.
“Ishin orët e para të mëngjesit dhe ne po ktheheshim nga Laplandi, një fshat i vogël në veri të Finlandës. Atje dita lind shumë vonë dhe drita nuk kishte dalë ende. E gjithë nata pati një stuhi dëbore, duke bërë që rrugët të ishin totalisht të bllokuara. Ishte e pastruar vetëm pjesa e autostradës, por rruga ishte goxha e ngushtuar. Unë isha në korsinë time, por përballë po vinte një kamion me shpejtësi, nga i cili mu bllokua edhe fushëpamja, sepse ngrinte dëborë nga toka. Në momentin kur po ndërroheshim, më goditi në pjesën anësore të rrugës duke më thyer pasqyrën. As atij nuk mund t’i vë faj, sepse ishte vërtet mot i pafavorshëm. Fati deshi që të shpëtonim të gjitha palët pa dëmtime” ka deklaruar Ina për redaksinë tonë.
