I ftuari i rradhës në podcastin ‘Thjesht me Tean’ ishte një nga djemtë më të talentuar të televizioneve shqiptare. E kemi parë në moderim, në aktrim, madje edhe në fushën e muzikës, edhe pse për këtë të fundit ka rezerva. Ndërsa u pyet nga Tea nëse do të marrë pjesë në festivalin e fundvitit, ai u shpreh:
TEA: Në festivalin e fundvitit je Elios?
ELIOS: Në këtë edicion po thua?
TEA: Në këtë edicion
ELIOS: Në këtë edicion jam, por e di në çfarë stadi jam?
TEA: Në çfarë?
ELIOS: I papranuar. Sigurisht nuk u bë nami pse nuk na u pranua një këngë, ka diçka. Ne zgjedhim të lëndojmë artistë me të cilët jemi rritur, ne zgjedhim të lëndojmë krijues të cilët janë në fillimet e tyre, me zgjedhim të lëndojmë njerëz që në fund të fundit duan të japin një mesazh. Por, të jesh kaq i prerë kundrejt një produkti, që për bazë ka thjesht një dëshirë për të konkuruar në një skenë, mua më duket gjë absurde.
Më pas artisti foli për fëmijërinë e lumtur që ka kaluar me gjyshërit e tij e na zbuloi edhe një sekret të vockël
ELIOS: Jam rritur nga dy gjyshër, që përpos se e donin shumë njëri-tjetrin, ishin gjithë kohës bashkë. Unë nuk kam për t’i harruar asnjëherë tryezat e Vitit të Ri bashkë me njerëz. Mbaj mend mamanë time që më thoshte që ‘Kur kam qenë në moshën tënde, shtëpia ishte plot me komshinj që vinin këndonin’, gjyshërit e mi bënin karaoke, gjëra të kësaj natyre. Dhe diçka tjetër, aq shumë duheshin, e ruaj fort si kujtim, shikonin edhe filma erotikë bashkë, edhe filma romantikë bashkë
TEA: Jo, po kjo nuk është për të gjykuar Elio, kjo tregon sesa miq ata kanë qenë me njëri-tjetrin.
ELIOS: Gjyshja ime e ndjerë, gjyshin e quante ‘dash’, nuk i thoshte asnjëherë në emër, e quante ‘dash’, ‘dashi im’ se ka qenë trupmadh.
