Kthesë e papritur nga Vatikani drejt çifteve homoseksuale. Përballë kërkesës së dy personave për t’u bekuar, edhe nëse statusi i tyre në çift është “i parregullt”, do të jetë e mundur që ministri i emëruar të japë pëlqimin. Por duke shmangur që ky gjest të përmbajë elemente të ngjashme me një rit martese.
Kjo është ajo që thuhet në deklaratën ‘Fiducia supplicans’ mbi kuptimin baritor të bekimeve, botuar nga ‘Dikasteri për Doktrinën e Besimit’ dhe miratuar nga Papa, raportuar nga Vaticannews. Do të jetë e mundur të bekohen çifte të krijuara nga njerëz të të njëjtit seks, por jashtë çdo ritualizimi dhe imitimi të një dasme. Doktrina mbi martesën nuk ndryshon, bekimi nuk do të thotë miratim i bashkimit.
Një dokument që thellohet në temën e bekimeve, duke bërë dallimin midis atyre rituale dhe liturgjike, dhe atyre spontane më të ngjashme me gjestet e përkushtimit popullor: pikërisht në këtë kategori të dytë lejohet bekimi i çifteve homoseksualëve. Ish-Zyra e Shenjtë e Vatikanit nuk kishte publikuar një deklaratë që nga gushti 23 vjet më parë (e fundit ishte Dominus Jesus në 2000), një dokument me vlerë të lartë doktrinore.
