Dermatiti alergjik i kontaktit është një reagim i lidhur me sistemin imunitar ndaj një alergjeni që ka rënë në kontakt me lëkurën tuaj.
Shkakton një reagim të vonuar, një skuqje që shfaqet disa ditë pas ekspozimit dhe më pas mund të zgjasë për javë të tëra.
“Kur shohim dermatit alergjik të kontaktit nga veshjet, zakonisht është nga ngjyrat e shpërndara,” thotë Dr. Susan Nedorost, një profesore e dermatologjisë në “Universitetin Case Western Reserve” dhe drejtore e programit të dermatitit në “Qendrën Mjekësore të Spitaleve Universitare në Cleveland”.
“Ngjyrat disperse përdoren kryesisht në materialet sintetike të veshjeve si poliesteri dhe najloni dhe ato mund të jenë të pranishme në nivele më të larta në një artikull veshjesh krejt të re, të palarë”, thotë Nedorost.
