Alisha Lehmann, futbollistja ndërkombëtare me Zvicrën dhe ylli mediatik i Aston Villa, ka zbuluar se ka refuzuar më shumë se 104.000 euro për një propozim të pahijshëm, që të kalonte një natë me një personazh të famshëm.
Lojtarja 24-vjeçare, e cila ka më shumë se 15.5 milionë ndjekës vetëm në Instagram, pohoi në podkastin “Dir Tea Talk” se një burrë i famshëm ndërkombëtar i ofroi asaj shumë para në këmbim të seksit gjatë kohës që ishte në SHBA:
“Isha në Miami, vendi im i preferuar dhe takova disa miq në një klub. Mora një mesazh në celular, të cilit nuk iu përgjigja, por i njëjti person ma dërgoi mesazhin edhe përmes truprojës që kujdesej për të. Mesazhet më erdhën nga një person i njohur. Ne ishim takuar më parë në një event.
Në mesazhin e sjellë nga truproja e tij thuhej: Alisha, do të të paguaj 104 mijë euro për të kaluar një natë me ty”. Asnjë tundim për futbollisten bukuroshe të Aston Villa:
“Përgjigja ime ishte: Në asnjë mënyrë! Dhe vetëm për 104 mijë euro?!”Alisha Lehmann tha se njeriu i famshëm vazhdoi t’i dërgonte mesazhe dhe pranoi se “gjëja e çmendur është se unë ende e kam mesazhin e tij në telefonin celular. Është pak si marrëzi.
Po sikur mesazhi të jetë nga një futbollist? Nuk mund ta zbuloj emrin e tij. Por është shumë, shumë i njohur ndërkombëtarisht”.Situata e Alisha Lehmann të kujton atë të aktores Demi Moore në filmin e vitit 1993, “Propozimi i pahijshëm”, në të cilin miliarderi John Gage (Robert Redford) i ofron një milion dollarë Diana Murphy (Demi Moore) për të kaluar një natë me të dhe për t’i zgjidhur problemet financiare.
Douglas Luiz dhe Alisha Lehmann, të dy lojtarë/e të Aston Villa, e ndërprenë lidhjen e tyre në vitin 2022, pas gati një viti si çift.Në nëntor 2021, Alisha Lehmann publikoi një video në “stories” e saj, në të cilat shfaqej shumë e dashur me Douglas Luiz.
Para se të dilte me Douglas Luiz, bukuroshja zvicerane kishte një lidhje romantike me kolegen e futbollit Ramona Bachmann, një lojtare e njohur e PSG, që ka luajtur për Chelsea dhe Wolfsburg.Historia e dashurisë së Ramona Bachmann dhe Alisha Lehmann, e cila përfundoi më 7 mars 2021, u bë dokumentar i BBC-së.
