Pas sulmeve masive me raketa kundër Izraelit ka reaguar edhe themeluesi i Facebook Mark Zuckerberg duke dënuar sulmet e Hamasit kundër Izraelit.
Në llogarin e tij në instagram Zuckenberg u shpreh i indinjuar dhe i keqardhur duke i quajtur sulmet e Hamas si terroriste dhe nje ligësi e paster. Ai shprehu mbështetjen për punëtorët e kompanive të tij dhe familjet e tyre ne Izrael.
Sulmet terroriste të Hamas jane ligësi e pastër. Nuk ka asnjëherë justifikim për të kryer akte terrorizmi kundër njerëzve të pafajshëm. Vuajtja botërore që kjo ka sjellë është shkatërruese. Fokusi im mbetet në sigurinë e punëtorëve tanë dhe familjeve të tyre ne Izrael dhe Rajon.
Luftimet vijojnë të ashpra duke renduar bilancin e jetëve të humbura.
Raporti i viktimave midis Izraelit dhe Gazës është pothuajse i njëjtë.
Ministria palestineze e Shëndetësisë tha se 1,055 njerëz janë vrarë dhe më shumë se 5,100 të tjerë janë plagosur që nga fillimi i sulmeve ajrore hakmarrëse të Izraelit të shtunën.
Ministria tha më herët se gati 60% e të plagosurve në Gaza ishin gra dhe fëmijë.
Ndërkohë numri i të vdekurve në Izrael ka arritur në 1200, me më shumë se 2700 të plagosur. Katër ditë pas sulmeve vdekjeprurëse punëtorët izraelitë janë ende duke hequr trupat e pajetë nga qyteti i Sderot.
