Narges Mohammadi është shpallur nobeliste e paqes për vitin 2023 ndërkohë që gjendet e burgosur nga qeveria iraniane për luftën e saj në mbrojtje të të drejtave të njeriut.
Komiteti I akademis e ka vlerësuar aktivisten veçanërisht për fushatën që ka bërë mbi të drejtat e grave në Iran si dhe heqjen e dënimit me vdekje.
BERIT REISS-ANDERSEN.KOMITETI NORVEGJEZ I NOBELIT“Lufta e saj e guximshme ka ardhur me kosto të jashtëzakonshme personale. Gjithsej, regjimi e ka arrestuar 13 herë, e ka dënuar pesë herë dhe e ka dënuar me gjithsej 31 vjet burg dhe 154 kamxhikë. Zonja Mohammadi është ende në burg ndërsa flas. Në dhënien e çmimit Nobel për Paqen këtë vit, Komiteti Norvegjez i Nobelit nderon luftën e saj të guximshme për të drejtat e njeriut, lirinë dhe demokracinë në Iran.”
Në shtator të vitit 2022, një grua e re kurde, Mahsa Jina Amini, u vra ndërsa ishte në paraburgim nga policia iraniane.
Vrasja e saj shkaktoi demonstratat më të mëdha politike kundër regjimit teokratik të Iranit që kur erdhi në pushtet në vitin 1979.Nën sloganin “Gruaja – Jeta – Liri”, qindra mijëra iranianë morën pjesë në protesta paqësore kundër brutalitetit dhe shtypjes së grave nga autoritetet.
Regjimi shtypi ashpër protestat: më shumë se 500 demonstrues u vranë. Mijëra u plagosën. Të paktën 20 000 njerëz u arrestuan dhe u mbajtën në paraburgim nga regjimi.
