Tensionet në Lindjen e Mesme janë rritur sërish pas raportimeve se dronë të lëshuar nga Irani kanë synuar një sistem radarësh të forcave amerikane në bazën ajrore Sheikh Isa në Bahrein.
Autoritetet lokale dhe burimet ushtarake bënë të ditur se sistemet e mbrojtjes ajrore reaguan menjëherë, duke i kapur dhe shkatërruar dronët në ajër pa shkaktuar viktima apo dëme materiale serioze.
Monitorim i shtuar nga inteligjenca amerikane
Paralelisht me incidentin në Gjirin Persik, raporte të fundit në Uashington tregojnë se shërbimet e inteligjencës po monitorojnë nga afër lëvizjet dhe kërcënimet e mundshme ndaj zyrtarëve të lartë, ndërsa Shtëpia e Bardhë konfirmoi se masat e sigurisë mbeten në nivelin më të lartë të gatishmërisë.


