Robert Francis Prevost është Papa i ri, pasardhësi i Papa Françeskut.
Robert Francis Prevost u shfaq në ballkonin me pamje nga Sheshi i Shën Pjetrit.
Papa i ri është zgjedhur Robert Prevost i SHBA-së, papa i parë amerikan në histori. Ai do të njihet si Leo XIV.
Kardinali i lartë konfirmoi vendimin me fjalët “Habemus Papam” – latinisht për “kemi një Papë”, ku prezantoi edhe emrin e Papës.
Ka kaluar shumë kohë që kur kemi pasur një papë me këtë emër, Leoni i fundit, Leo XIII, u zgjodh në 1878 dhe shërbeu deri në vdekjen e tij në 1903.
Turma brohoriti dhe filloi të këndojë pasi dëgjoi njoftimin se Kardinali Robert Francis Prevost është zgjedhur Papa i ri.
Papa Leo XIV ka dalë në ballkonin e Shën Pjetrit, ku ka dhënë edhe mesazhin e tij të parë.
“Vëllezër dhe motra të dashura, kjo është përshëndetja e parë e Krishtit të ringjallur. Do të doja të ofroja një përshëndetje paqeje për të arritur familjet tuaja, të gjithë ju, kudo që të jeni. Paqja qoftë me ju.
Zoti na do shumë, Zoti na do të gjithëve. Jemi të gjithë në duart e Zotit. Pa frikë dhe të bashkuar, dorë për dore me Zotin mes nesh do të shkojmë përpara. Të ndërtojmë ura me dialog për t’u bashkuar të gjithë. Faleminderit Papa Françesko. Dua të falënderoj edhe të gjithë vëllezërit kardinalë që më zgjodhën që të jem pasardhës dhe të eci bashkë me ju, duke kërkuar paqe. Të punojmë bashkë dhe pa frikë për të qenë misionar”, tha ai.
