Venecia do të jetë e “ngrirë” për tre ditë dhe në dispozicion të të porsamartuarve Jeff Bezos dhe Lauren Sanchez.
Jo vetëm mbërritja me një jaht 500 milionësh dollarë, por çdo detaj ishte planifikuar për ta bërë dasmën një qëndrim të këndshëm për të gjithë të ftuarit, rreth 250 të ftuar të rinj çdo ditë dhe sigurisht për çiftin.
Tashmë datat janë caktuar: fillon më 24 qershor dhe përfundon më 26. Në këtë ngjarje po punon agjencia e njohur londineze Lanza & Baucina që u kujdes për martesën e vajzës së manjatit indian Agarwal në 2011, ku morën pjesë 800 të ftuar dhe Shakira në skenë.
Një nga tre njerëzit më të pasur në botë, themeluesi i Amazon, pronari i Washington Post dhe Metro Goldwyn Mayer, me 1.5 milionë punonjës dhe një vlerë neto prej 215 miliardë dollarësh, ka rregulluar gjithçka, ose pothuajse gjithçka. Pesë hotele janë rezervuar për të pritur të ftuarit e dasmës.
Ata që zgjedhin ato tre ditë në fund të qershorit për të vizituar Venecia mund të kenë vështirësi në lëvizje. E gjithë flota e taksive është rezervuar për ditën e dasmës për të lejuar të gjithë të ftuarit të lëvizin pa hasur vonesa apo probleme.
