Ekspozimi i vazhdueshëm i fëmijëve ndaj lojërave online po rrezikjon shëndetin mendor dhe emocional të tyre. ndër më të preferuarat e te vegjelve renditen lojëra me përmbajtje dhune si Roblox, Call of Duty apo Free Fire.
Në telefon kam free fire, call of duty, roblox. E preferuara ështe call of duty. Loja është që ti do marrësh armë dhe do vrasësh ato zombie-t që te dalin.
Kam dëgjuar nuk i kam se nuk janë të mira për mendimin tim. Aty mund te ketë lloj lloj lojërash që mund të bëjnë dhe gjera negative.
Nuk luaj shumë. Ndonjëherë luaj roblox.roblox më së shumti”, shprehen fëmijët e kryeqytetit.
Psikologët theksojnë se problemi qëndron se fëmijët nuk janë në gjendje të kategorizojnë informacionin që marrin nga lojërat. Ata shpesh përvetësojnë sjelljet e personazheve, duke mos bërë dallim midis reales dhe virtuales.
Aksesimi i lojërave online me përmbajtje dhune ndikon negativisht në psikologjinë dhe shëndetin mendor të çdo grupmoshe. Qëndrimi për kohë të zgjatura para këtyre lojërave çon në normalizimin e dhunës, që fëmija e percepton si diçka të zakonshme, duke e reflektuar në sjelljet e tij të përditshme.”, thot Eriola Bigdani.
Lojërat elektronike ndikojnë gjithashtu mbi mënyrën sesi fëmija formon vetëbesimin dhe zhvillimin e tij emocional, shkruan Vizion plus.
“Në këto lojëra, fitorja nuk është gjithmonë e garantuar, dhe kjo mund të çojë në pasiguri dhe ulje të vetëbesimit. Gjithashtu, këto aktivitete ndikojnë negativisht në aftësinë për të komunikuar dhe në lidhjet emocionale. Loja ul ndjeshmërinë e fëmijëve ndaj emocioneve si dashuria dhe afeksioni.”, tha Bigdani.
Psikologët apelojnë për më shumë ndërgjegjësim dhe angazhim nga prindërit, duke nënvizuar rëndësinë e monitorimit të aktiviteteve online të fëmijëve dhe kufizimin e ekspozimit ndaj përmbajtjeve të papërshtatshme.
