Dinozaurët duket se kanë qenë të pranishëm në hemisferën veriore miliona vjet më herët se sa dihej më parë, sipas fosileve të një dinosauri të ri të zbuluar nga paleontologët në ‘Universitetin e Wisconsin-Madison’ .
Ekipi hulumtues ka studiuar fosilet, që kur u zbuluan për herë të parë në 2013 në atë që tani është Wyoming, një zonë që ishte afër ekuatorit të pjesës veriore të superkontinentit parahistorik ‘Pangea’ të quajtur ‘Laurasia’.
Dinozauri i quajtur “Ahvaytum bahndooiveche” është tani më i vjetri i njohur në superkontinentin ‘Pangea’ dhe vlerësohet të jetë rreth 230 milionë vjet më parë i krahasueshëm me moshën e dinosaurëve më të hershëm të njohur në superkontinentit jugor, ‘Gondwana’.
Megjithëse studiuesit nuk kanë një ekzemplar të plotë të dinosaurit, ata kanë gjetur mjaft fosile, veçanërisht pjesë të këmbëve të tij, për të identifikuar dinosaurin si një të afërm sauropod shumë të hershëm. Zbulimi përshkruhet në një botim në Revistën Zoologjike të Shoqërisë Linnean .
Zbulimi i kësaj specie duket se përmbys pikëpamjen mbizotëruese se dinosaurët u shfaqën në Gondwana, pjesa jugore e superkontinentit Pangea , miliona vjet përpara se të përhapeshin në Laurasia.
