Edhe dy ditë dhe të gjithë po presin që shtëpia më e famshme në Shqipëri e “Big Brother VIP Albania 4”, të ndezë dritat.
Producentja e Big Brother VIP Albania, Sara Hoxha ka ndarë një pjesëz të shtëpisë dhe studios e cila do të kthehet në “shtëpinë e dytë” të shqiptarëve për shumë muaj.
Sara gjithashtu ka ndarë një mesazh në Instagram dy ditë para se Big Brother VIP 4 të nisë.
“Rezultati i punës sime nuk jam vetëm unë. Me mua është një skuadër e madhe që dashuron atë që bën,” shkruan ajo, duke vlerësuar ekipin e saj për përkushtimin.
Postimi i Sara Hoxhës:
Çdo gjë që ja dua vetes, nuk e njihja derisa jeta më hodhi në anën tjetër të rehatisë dhe zgjidhja e vetme ishte ta përballoja me punë. Ajo që mësova është se një njeri, i vetëm, nuk mund të bëjë asgjë. Ndaj jam krenare i një sistemi pune që i rezistoi kohës, sfidave, dhe atyre që lanë anijen rrugës.
Rezultati i punës time, nuk jam vetëm unë, me mua është një skuadër e madhe që dashuron atë që bën. Kjo duket në çdo copëz të prodhimit, çdo filmim, këngë, emocion e përqafim të dhënë. Edhe pse mund të duket e lehtë, nuk do të thotë që nuk kemi sakrifikuar ditë të tëra, mbledhje të gjata sfilitëse për të arritur madhështinë. Nëse do ishte e thjeshtë do e bënte kushdo.
Mirënjohëse për të gjithë ju, e dini kush jeni❤️
@bigbrotheralb_vip është gati për një sezon të jashtëzakonshëm. Stay tuned -2
