Një tjetër skandal ka përfshirë Kishën Katolike të Greqisë, ku dy priftërinj të lidhur me pronarë biznesesh në Peleponez akuzohen për pastrim parash.
Pas një kontrolli të rastësishëm ku u konstatua se shuma të mëdha parash, që arrinin afërsisht 3 milionë euro, u zhdukën nga arkat e Kishës Katolike dhe përfunduan si… investime në lokalet e natës.
Kreu i Autoritetit, Charalambos Vourliotis, tashmë ka proceduar me ngrirjen e llogarive bankare dhe pasurive të pesë pronarëve të klubeve të natës, pasi më parë ka përcjellë gjetjet e tij në organin kompetent të akuzës.
Mësohet se historia shkon tetë vite më parë, kur u zbuluan shuma të mëdha parash që dilnin nga llogari të caktuara të saj që operonin nga dy priftërinjtë dhe përfundonin në llogaritë e pronarëve të disa klubeve të natës dhe shfaqeshin si investime në ato biznese.
Mobilizimi i Autoritetit u ngrit pas “këmbanës” që ra në banka për lëvizjet e shumave të mëdha. Pas një hetimi disa mujor, në fshehtësi të rreptë, nga ku kishte indicie për kryerjen e veprave kriminale, si përvetësim dhe pastrim parash.
Autoriteti dyshohet se konstatoi se shuma prej 3 milionë eurosh ishte përvetësuar nga fondet e Kishës Katolike. Auditorët, duke hartuar rrugën e parave, kanë përfunduar tek dy priftërinjtë dhe disa biznesmenë të lokaleve të natës ku kanë përfunduar paratë. Në fakt, rruga e fundit e dyshimtë u zbulua pak ditë më parë dhe përfshinte një shumë prej 50 mijë eurosh.
Me urdhër të Vourliotis, llogaritë bankare dhe pasuritë e pesë biznesmenëve të dyshuar si përfitues të shumave të mëdha janë bllokuar. Tashmë, konkluzioni i Autoritetit është në dorën e prokurorit që do të hetojë mundësinë e kryerjes së krimeve të përvetësimit për dy priftërinjtë dhe pastrimit të parave për pesë biznesmenët privatë.
Të përfshirët pritet të thirren në të ardhmen për shpjegime në mënyrë që prokurori të vendosë nëse do t’i ndjekë penalisht.
