Dy banorët e “Big Brother VIP Kosova”, Gresa dhe Rezarti nuk e kanë nisur mirë lojën.
Në një video të publikuar së fundmi, Gresa ka zbuluar tensionet mes saj dhe Rezartit, duke treguar disa nga ofendimet që ai i ka thënë.
Gresa përmend se Rezarti e ka kritikuar ashpër, duke e quajtur “aktore të keqe” dhe duke përdorur terma si “Je si Fifi”, “Balenë” dhe “Derre”.
Gresa duket tejet e irrituar me komentet e Rezit, duke shprehur se ato ishin tepër të rënda dhe se brenda 24 orëve ai i kishte thënë të gjitha këto.
Në videot e publikuara, shihet se aktori Rezart Veleshnja ka bullizuar aktoren Gresa Gashi për shkak të peshës së saj. Por, ai nuk ndalet deri këtu pasi ka folur edhe për këngëtaren Fifi, e cila nuk ndodhet në “BBVK”, dhe përmendi peshën e saj.
“Kjo është e pa edukume fare kjo goca e shëndoshë. Më kujton Fifin kur ishte e shëndetshme dhe u dobësua dhe nuk ishte si ty. Kjo është e sëmurë”, ka thënë ai.
