Detaje të reja tronditëse janë zbuluar nga ngjarja e rëndë që u shënua një ditë më parë, ku një mësues amerikan i identifikaur si Mathew James Werts, pasi vrau gruan e tij Indah Lilis Sartika Saragih dhe dy qentë që kishin në banesë, i dha fund edhe jetës së tij.
Fillimisht policia gjeti trupin e pajetë të mësuesit amerikan të varur me litar.
“Më datë 19.08.2024, në kryqëzimin e rrugës “Valbona” me rrugën “Ramazan Ceku”, është vetëvarur në banesë (të marrë me qira) shtetasi amerikan M. W., 55 vjeç, dhe si pasojë ka ndërruar jetë”, njoftoi fillimisht policia.
Por pas hetimeve të thelluara, uniformat blu të kryeqytetit kanë zbuluar edhe të vërtetën tronditëse, e cila ngjason me një skenar të mirfilltë filmi hollivudian.
55-vjeçari amerikan, dyshohet se në kushte të rënda depresioni, kishte mbytur me litra gruan dhe e kishte mbuluar trupin e pajetë të saj me rroba. Më pas, sipër saj kishte vendosur edhe dy qentë e vrarë.
Policia në banesën e 55-vjeçarit ka gjetur një letër të lënë nga vetë ai. Matthew James Wertz i drejtohej prindërve dhe iu kërkonte falje se nuk ishte bërë burrë dhe nuk kishte hequr dorë nga veset, duke shtuar se njerëzit e dashur po i merr me vete.
Në letrën e tij, ai shkruante: “ “Baba më fal, nuk ia dal dot. Më fal për çfarë bëra, ishte më e fortë se unë.” Ky mesazh i fundit i lënë nga Werts për babain e tij.
Më pas u shkruante emrat e disa personave që u kishte borxh dhe u thoshte që lekët që kishte lënë në kartë mjaftonin për të shlyer borxhet. Profesori amerikan kishte 4 vite që jetonte në Shqipëri.
Çifti jetonte në Shqipëri dhe ishin pajisur me leje të rregullt qëndrimi, teksa autori i dyshuar i ngjarjes Matheë James Ëerts punonte si mësues në një shkollë në private kryeqytet.
Ka qenë drejtori i shkollës ku punonte 55-vjeçari ai që kishte shkuar në shtëpinë e Werts pasi ai nuk kishte shkuar në shkollë, dhe e ka zbuluar ngjarjen e rëndë.
Pas zbulimit të ngjarjes së rëndë, drejtori ka njoftuar policinë, ku u bë edhe zbulimi i të vërtetës.
Ekspertiza mjeko-ligjore e çiftit të bashkëshortëve do të kryhet ditën e sotme.
Pedagogu amerikan Matthew Janes Wertz 53 vjeç që vrau gruan, dy qentë dhe më pas veten në banesën e tyre në Tiranë, ka lënë pas një letër me shkrim dore.
Kjo letër, që është sekuestruar nga grupi hetimor i Policisë së Tiranës, është e shkruar në gjuhën angleze dhe janë përshkruar veprimet që ai ka ndërmarrë.
Zyrtarisht nga Policia e Tiranës është bërë me dije se krimi ka ndodhur të hënën në banesën e tyre në Laprakë. Pedagogu amerikan ka mbytur me litar gruan e tij Saragih Indah Lilis Sartika me origjinë indoneziane, dhe më pas me një shkop bejsbolli ka goditur 2 qentë e tyre duke i lënë të vrarë. Trupin e pajetë të gruas dhe 2 qentë e ngordhur i kishte mbuluar me rroba.
Më pas, 53-vjeçari amerikan që punonte si pedagog në një shkollë private në Tiranë, vari veten me litar.
Ngjarja e rëndë dyshohet të ketë ndodhur nën kushte të rënduara psikologjike.
Të dy shtetasit e mësipërm janë të pajisur me leje qëndrimi në Shqipëri dhe nga informacionet paraprake rezulton se janë bashkëshortë njëri me tjetrin.
Shtetasi Mathew James Werts, ishte i punësuar si mësues në një shkollë private në qytetin e Tiranës, ndërsa shtetasja Saragih Indah Lilis Sartika ishte e pa punë.
Ndërkohë janë sekuestruar provave materiale si;
– litarët e gjendur në trupin e dy kufomave;
– një letër e shkruar me shkrim dore në gjuhën angleze në të cilën përshkruan veprimet që ka ndërmarrë autori;
– dorëshkrime të mëparshme të shtetasit Mathew James Werts;
– dorëshkrime të mëparshme të shtetasit Mathew James Werts të sekuestruara në shkollën private ku ai jepte mësim;
– një telefon celular;
– katër kompjutera laptop;
– një shkop bejzbolli;
– një shumë parash në lekë shqiptare dhe valuta të huaja;
– një automjet tip Mercedes A Class, me targë AA 510 YP në pronësi të shtetasit Mathew James Werts.
Grupi hetimor nën drejtimin e Prokurorisë së Rrethit Gjyqësor të Juridiksionit të Përgjithshëm Tiranë vazhdon kryerjen e veprimeve procedurale për dokumentimin e plotë ligjor të kësaj ngjarje të rëndë.
