Kleviol Ahmeti, i njohur si Cllevio, ka komentuar së fundmi për situatën e Noizyt dhe Stresit pas incidentit në Pejë. Në një intervistë për emisionin “KosovaToday”, Cllevio deklaroi se Noizy e ka çuar atë në polici katër herë, për shkak të konflikteve mes tyre.
Ai pranoi se ka ofenduar të dy reperët, por shtoi se ata i kanë prishur qetësinë dhe e kanë përfshirë në situata që kanë përfunduar me ndërhyrjen e policisë, si dhe me përplasje fizike.
Cllevio tha se kur u informua për incidentin nga Medi Iseni, e kuptoi që kjo ishte pjesë e taktikave të njohura të Noizyt dhe Stresit për të korruptuar dhe manipuluar situatat.
“Është normale që kam ofenduar, sepse ata e meritojnë. Ata më kanë sjellë shumë probleme, më kanë çuar në polici dhe më kanë sulmuar fizikisht. Nuk është vetëm Medi që ka pësuar, edhe unë kam përjetuar të njëjtën gjë. Kam shkuar te vendet e tyre për t’u ballafaquar dhe ata kanë reaguar, gjë që ka sjellë pasoja,” tha Cllevio.
Ai shtoi se për shkak të Noizyt është përballur me policinë katër herë dhe beson se ky i fundit do të përballet me pasoja për veprimet e tij.
“Noizy, që është i njohur për grushtet e tij, do ta paguajë shtrenjtë për këtë,” përfundoi ai.
Ndërkohë, Noizy dhe DJ Crax pritet të ekstradohen në Kosovë, ndërsa Stresi është ende në kërkim.
