Cillian Murphy fitoi Oscar-in e tij të parë, për rolin kryesor në “Oppenheimer”.
Murphy ka dominuar sezonin e çmimeve të këtij viti, duke fituar trofe si aktori më i mirë në Baftas dhe Golden Globes.
Ai ia dedikoi çmimin “të gjithë paqebërësve ”. “Ne bëmë një film për njeriun që krijoi bombën atomike dhe për të mirë apo për të keq, po jetojmë në botën e Oppenheimer”, tha ai pasi mori trofeun.
Ndërkohë, regjisori i filmit, mori Oscar-in e tij të parë për regjinë më të mirë. Ai ka pasur gjithsej tetë nominime për Oscar, për filmat Oppenheimer, Dunkirk, Inception dhe Memento.
