Moderatorja Fjodora Fjora komentoi një prej çifteve jo zyrtarë, por që po krijohen në Big Brother VIP 3, Heidi dhe Romeo.
Gjatë komentimit live të spektaklit në kanalin Albanian Youtubers në Youtube ajo theksoi se nëse ata duan ta përdorin lidhjen e tyre për lojë, nuk mund ta bëjnë më.
Moderatorja u shpreh se loja e çifteve u zu nga të tjerët përpara tyre dhe tashmë atyre nuk u ka ngelur gjë tjetër veçse t’i japin kohë njëri-tjetrit nëse do të avancojnë apo jo.
“Unë e shoh që loja e çifteve u zu nga të tjerët përpara dhe këtyre të dyve nuk u ka ngelur gjë tjetër veçse t’i japin kohë njëri-tjetrit nëse do u ndodhi, do u ndodhi, nëse do ta përdornin raportin për lojë, ndjenjën për lojë këtë nuk e bëjnë dot më, në një mënyrë të gjithë e kuptuam që pëlqimet nisën që javën e parë dhe të gjithë këta çifte e treguan hapur afeksionin që kishin ndaj njëri-tjetrit, të gjithë të tjerët nxituan ta tregonin ta bënin sa më fort atë gjënë”, tha Fjodora.
