Këngëtarja dhe gazetarja Evi Reçi ishte e vetmja përfaqësuese e shtypit dhe mediave shqiptare në Festivalin e Sanremos këtë vit.
Ajo e përshkruan si një përvojë të paprovuar më parë pjesëmarrjen këtë vit në festivalin më të rëndësishëm të shtetit italian.
Ndërsa dha votën për një nga artistët në garë, Reçi theksoi se të gjitha këngët edhe pas përfundimit vazhdojnë e dëgjohen dhe gëzojnë respektin e publikut.
“Rikthehem për vitin e dytë radhazi në Festivalin e Sanremos këtë vit akoma më pranë artistëve tek salla e shtypit “Lucio Dalla” aty ku dhamë dhe votën tonë për artistët në garë, një tjetër privilegj që nuk e kisha provuar më parë!
Isha e vetmja perfaqesuese nga radiot shqiptare @clubfmradio gjë që më dha edhe më shumë përgjegjësi:) Të jesh dhe artiste dhe gazetare mendoj se është një plus për t’i parë të dyja anët e këtij festivali dhe unë pata fatin vjet ta shoh spektaklin nga afër me një ftesë speciale dhe sivjet të prek emocionet mediatike.
Ka diçka të mirë ky festival: edhe pse ka 1 trofe, të gjitha këngët pas përfundimit vazhdojnë e dëgjohen dhe gëzojnë respektin e publikut. Forumet,radiot,zonat e talenteve të reja dhe publiku që takon artistët janë atmosfera e vërtetë që lejon përjetimin e plotë të Sanremos.
Ndoshta edhe festivali ynë duhet një ditë t’i përafrohet kësaj mënyre që ka në fokus artin, vlerat artistike dhe respektin ndaj artistit”, shkruan këngëtarja dhe moderatorja në profilin e saj zyrtar në Instagram.
