Gjesti human i Ledjonës ndaj Ilnisës nuk pritej të ndodhte gjatë spektaklit të së martës nisur nga marrëdhënia konfliktuale që ato kanë.
Vëllai i Madh ua la në dorë banorëve që të votonin se cila prej dy vajzave do të bënte një telefonatë me vajzën.
Banorët votuan më shumë për Ledjonën, por ajo vendosi që këtë surprizë ta merrte Ilnisa duke qenë se e kishte vajzën më të vogël.
Aulona Musta gjatë diskutimit live në kanalin Albanian Youtubers në Youtube tha se ky gjest e lartësoi shumë Ledjonën në sytë e publikut dhe banorëve.
“Në sytë e të gjithë publikut dhe banorëve Ledjona u lartësua shumë, që patjetër asaj i shërben në vazhdimësi të lojës, edhe vetë Ilnisën që e ka pasur kundërshtare, tani nuk e ka më kundërshtare të drejtpërdrejtë, sepse nuk e di nëse e dëgjuat, por i tha nuk do ta harroj këtë tha Ilnisa”, tha Aulona.
