Mbreti Charles III është diagnostifikuar me një formë kanceri dhe lajmin e ka konfirmuar vetë Buckingham Palace.
Lloji i kancerit nuk është zbuluar, por sipas deklaratës, Mbreti filloi trajtimet e rregullta sot në mëngjes.
Pallati Buckingham thotë se Mbreti “mbetet plotësisht pozitiv në lidhje me trajtimin e tij dhe pret që të kthehet në detyrën e plotë publike sa më shpejt të jetë e mundur”.
Ai do t’i shtyjë angazhimet e tij publike dhe pritet që anëtarët e tjerë të familjes mbretërore të ndihmojnë për ta përkrahur gjatë trajtimit të tij.
