Disa ditë më parë Foli.al zbuloi ekskluzivisht moderatoren e show-t që pritet të nisë në muajin mars në Vizion Plus. Por Fjoralba Ponari nuk është i vetmi emër që ne kemi zbuluar.
Sot do t’ju njohim edhe me konkurrentin e parë të spektaklit të shumëpritur.
Ai është një ish-banor i Big Brother VIP 1, i cili mesa duket, misionin e lënë përgjysmë (pasi u skualifikua shumë shpejt) pritet ta vijojë në Fermën e VIP-ve. Ai është Ardit Çuni, këngëtari i njohur i cili ka eksperimentuar në disa fusha të tjera të artit gjithashtu.
“Ferma Vip” ose “La Fattoria” siç ka qenë versioni italian i programit, është një reality show që të sfidon psikologjikisht, por edhe fizikisht, i krijuar nga suedezët e Strix dhe që do të sjellin personazhet e njohur shqiptarë, siç nuk i keni parë ndonjëherë.
Në vijim do t’ju zbulojmë edhe emrat e tjerë, pasi ju e dini që Foli.al ka lajmet më ekskluzive në treg.
