Zbulohen të ftuarit VIP që do të jenë në krah të Albanian YouTubers për komentet e BBVA 3. Sonte në orën 19:00 Live në instagram dhe platforma të tjera do të njiheni me personazhet dhe mënyrën si do vijojë analizimi i BBVA3 nga ata që ju i doni shumë
Nuk e dimë cili është lajmi i muajit janar, rikthimi i Big Brother VIP në ekranet e shqiptarëve, apo rikthimi i Albanian YouTubers në ekranet e celularëve dhe tabletave tuaja.
Siç ju kemi lajmëruar edhe më parë, edhe ky vit do të jetë siç thuhet në zhargon ‘flakë fare’ në pauzat e netëve kur ka Prime, me komentet pikante dhe prapaskenat e spektaklit, që vetëm çunat dhe gocat ‘cool’ të Albanian YouTubers dinë të bëjnë.
Ndryshe nga viti i kaluar, këtë vit komenti vjen i formatuar dhe me të ftuar më pikantë se kurrë më parë.
Foli.al ka zbuluar ekskluzivisht emrat e të ftuarve VIP që do të jenë në krah të Anaidit, Kledit, Jetmirit dhe Erionit.
Vajzat e mirënjohura të medias si Evi Reçi, Sonila Meço, Arjola Shehu, Fjodora Fjora, Rozana Radi apo Aulona Musta do të japin komentet bashkë me parashikimet e tyre, sepse siç ku kemi lajmëruar edhe më parë është një garë e hapur edhe mes komentatorëve për parashikimet më të sakta.
Panelit do t’i shtohen herë pas herë edhe ish-banorë të Big Brother VIP si Monika Lubonja, Jona Kalemaj, Genta Gjalpi dhe Olta Sheta, por edhe personazhe viral në rrjetet sociale, siç është Dajo i Astirit. Nuk do mungojnë dhe batutat e Dj Benito gjithashtu edhe Ilda Mema konkurente ne Love Island.
Dy herë në javë do transmetohet edhe podcast live ne kanalin e YouTube në kanalin Albanian YouTubers me Niko Komanin Santana Çomora, Bruno Shemsho, Erion, Zeqiraj dhe të ftuar të tjerë.
