Këngëtarja e famshme shqiptare Dafina Zeqiri, së fundmi është bërë pjesë e vorbullës së thashethemeve se ajo dhe patneri Kreshnik Gjergji, mund t’i kenë dhënë fund romancës.
Ky aludim i ndjekësave erdhi kur panë se artistja fshiu të gjithë ndjekësit në faqen e saj zyrtare në Instagram. Ajo ndiqte vetëm nënën e saj, studion muzikore dhe Presidenten Vjosa Osmani, mes të cilëve mungonte emri i Kreshnikut.
Megjithatë Dafina nuk e zgjati shumë këtë dyshim dhe menjëherë u dha fansave një përgjigje duke postuar në instastory, foto krah Kreshnikut, e cila shkruante: “Tu e përpilu listën e dasmës”.
Dafina dhe Kreshniku filluan të bënin publike daljet e tyre verën e vitit 2023, të cilin këngëtarja fillimisht e prezantoi biznesmenin si kushëririn e saj. Gjithashtu ajo ka paralajmëruar se këtë vit do të ketë edhe dasmë, që mendohet se do të organizohet afër stinës së verës.
