Edicioni i 62-të i Festivalit të Këngës në RTSH ka ngritur siparin mbrëmjen e djeshme, duke nisur kështu udhëtimin e 4 netëve magjike në transmetim televiziv. Nën moderimin e Kledi Kadiu, Adriana Matoshit, Krisa Caushit dhe Xhuliano Xhules, mbrëmja e parë kaloi mes polemikave dhe zhurmës së madhe në rrjet.
Një kontribut për këtë zhurmë pati edhe fustani i moderatores Caushi, të cilën e krahasuan herë me një letër alumini e herë me një llamarinë gjigande të lakuar.
Pritshmëritë i rritëm për natën e dytë për të parë nëse e ka rregulluar apo jo ‘gabimin’ e saj. Por sapo doli në skenë, fustani i saj i zi, me jaka të bardha dhe një trëndafil të kuq të në qafë na kujtoi një veshje që kjo skenë e ka parë dy vite më parë.
Në Festivalin që pati jubilenë e 60′ këngëtarja e njohur Evi Reçi, pati të njëjtën veshje ndërsa prezantohej me këngën ‘Më duaj’. Për t’ju rifreskuar kujtesën, po ju sjellim disa foto më poshtë.
