Kanë kaluar gati dy muaj nga vdekja e aktorit të “Friends”, Matthew Perry. Dhe, tashmë ka folur për herë të parë edhe mikja e tij, Jennifer Aniston.
Teksa fliste për revistën Variety, “Rachel”, tregoi se mëngjesin e asaj dite kur ai ndërroi jetë kishin shkëmbyer mesazhe bashkë.
“Ai ishte i lumtur. Ishte i shëndetshëm. E kishte lënë duhanin…Ishte i lumtur dhe kjo është e vetmja gjë që unë di,” tha Aniston mes emocionesh.
Në të njëjtën kohë, ajo theksoi se shpreson që bota ta kujtojë ashtu siç ai do të kishte dashur, një njeri që jetoi mirë dhe ndihmoi të tjerët.
“Dua që njerëzit të dinë se ai ishte vërtet i shëndetshëm dhe po përpiqej të ishte i shëndetshëm. Ai po përpiqej aq shumë. Më mungon shumë. Të gjithëve na mungon. Na bënte që të qeshnim me lot.”
Kujtojmë se Perry u nda nga jeta më 28 tetor, në moshën 54-vjeçare. Ai është më i njohur për rolin e tij si Chandler Bing në 236 episode të “Friends” së bashku me Aniston dhe Courteney Cox, Lisa Kudroë, Matt LeBlanc dhe David Schwimmer.
