Reperi i njohur amerikan, 2 Chainz, është përfshirë në një aksident të rëndë, mëngjesin e së shtunë, në Miami.
Reperi i “It’s a Vibe” emri i të cilit është Tauheed K. Epps, ndau në rrjetin social “Instagram” pamje nga vendi ku kishte ndodhur aksidenti.
Ai shihet në pjesën e pasme të një ambulance teksa e marrin me barelë. TMZ raportoi se 2 Chainz, pësoi lëndime në qafë dhe ndoshta lëndime të tjera, por është në gjendje të qëndrueshme në spital.
Sipas mediave, një shofer me një makinë “Tesla” goditi automjetin e reperit nga pas teksa ai po udhëtonte në Miami.
