Janë publikuar pamjet nga momenti kur Liridona Admeaj dhe Naim Murseli darkojnë me fëmijët e tyre, para ngjarjes tragjike.
Kamerat e sigurisë të restorantit e kanë kapur Naimin duke shkruar në telefon gjatë kohës sa po qëndronin aty dhe dyshohet se ai ka qenë duke komunikuar me bashkëpunëtorët e krimit.
Naim Murseli, dyshohet se porositi vrasjen e gruas së tij Liridonës, duke i premtuar 30 mijë euro Granit Plavës që ta kryente vrasjen. Ndërsa, Kushtrim Kokalla dyshohet për marrëveshje për të kryer veprën penale vrasja e rëndë.
Sipas njoftimit të Gjykatës Themelore të Prishtinës, Murseli akuzohet se veprën penale “Vrasje e rëndë në bashkëkryerje”, Plava për veprën penale “Vrasje e rëndë” dhe veprën penale “Mbajtja në pronësi, kontroll ose posedim të paautorizuar të armëve”, teksa Kokalli për veprën penale “Marrëveshja për të kryer veprën penale Vrasje e rëndë.”.
