Ori Kuçi, një prej sipërmarrëseve të njohura në Tiranë, ishte e ftuara e rradhës e podcast-it ‘Thjesht me Tean’.
Ori vjen sot në një rrëfim ndryshe për jetën private dhe ëndrrën e saj për muzikën, të thyer në mes.
Kujtojmë se sot vajza që identifikohet si bisneswoman e suksesshme, spikati fuqishëm në spektaklin “C’est la vie” në Tv Klan, së bashku me Anxhela Peristerin, si për të përmbushur ëndrrën e saj të thyer.
Ne podcastin e sotëm, Ori iu kthye të shkuarës dhe tregoi një episod aspak të këndshëm siç ishte ndërprerja në mes e liceut, për shkak të një “sistemi inati dhe intrigash” sipas saj.
Ori: -Injoranca padiskutim, për më tepër që vazhdon për fat të keq edhe sot të gjitha licetë, edhe Akademia e Arteve, ku vetëm artistë nuk po prodhohen më, në kuptimin e muzës, dlirësisë e përgatitjes. Zysha ime e kantos, dritë aty ku është, injorante padiskutim, atëherë ishte akoma koha e militantizmit, me PD-në, me PS-në, familja ime ishte e majtë dhe familja e kësaj ishte e djathtë dhe e ke parasysh…
Tea: -Dhe sa e tmerrshme t’ja bësh një fëmije
Ori: -Fëmije, që ç’punë kisha unë me partinë
Tea: -Injorancë, injoranca që vendos për fatin e dikujt
Ori: -Dhe më prenë krahët, më prenë dëshirën, vullnetin, më prenë çdo gjë. E vetmja gjë që s’më morën dot ishte talenti.
