Vajza e madhe e ish-nënkryetari të Kuvendit, Vangjel Tavo, ka humbur jetën ditën e djeshme.
Lajmin e ka bërë të ditur vetë Vangjel Tavo, i cili nëpërmjet një reagimi në rrjetet sociale ka njoftuar mbajtjen e ceremonisë mortore.
Ai shkruan se varrimi do të bëhet ditën e enjte në datën 30 nëntor në orën 11:00.
“Këto janë fjalët më të vështira që shkruaj në jetën time. Vajza ime e madhe Eva u nda nga jeta në kulmin e rinisë, në moshën më të bukur, siç ishte edhe vetë ajo.
Varrimi bëhet ditën e enjte, datë 30 nëntor, ora 11:00 në Jorgucat, Gjirokastër”, shkuan ai.
Mediat shkruajnë se ajo ka humbur jetën në një aksident automobilistik në Maqedoninë e Veriut.
Kjo nuk është tragjedia e parë për familjen Tavo. Disa vite më parë është ndarë tragjikisht nga jeta edhe nëna e Evës, Aristulla Xhumba.
