Më e bukura e Shqipërisë, Endi Demneri ka magjepsur mbrëmë në ”Miss Universe 2023”, që po mbahet në El Salvador. Mbrëmë u mbajt konkurrimi paraprak, ku përfaqësuesja e Shqipërisë rrëmbeu audiencën me performancën e saj të shkëlqyer. Në sondazhet për ”Miss Universe”, Endi Demneri renditet tek favoritet për ta fituar këtë konkurs bukurie.
Konkursi më i rëndësishëm i bukurisë në planet po mbahet në El Salvador, në edicionin e 72-të të tij. Javën e kaluar më shumë se 80 konkurrente për Miss Universe 2023 u mirëpritën zyrtarisht nga qeveria e El Salvadorit në një aktivitet në selinë e Ministrisë së Punëve të Jashtme. Finalja e madhe do të mbahet më datë 19 nëntor.
24-vjeçarja konkuron me një kauzë të veçantë në ”Miss Universe”, një sëmundje të cilin e ka luftuar dhe kërkon që të ndihmojë edhe vajzat që preken. “Është një sëmundje që quhet endometriosis. Kjo është kauza ime në “Miss Universe”. Dua të bëj vajzat e vogla dhe në moshën time, as nuk diskutohet, të kuptojnë që në qoftë se nuk ndihen mirë me veten.
Ka një gjë që s’shkon, nuk kanë dëshirën për të filluar ditën, dëshirën për të ndërmarrë gjëra për veten e tyre, është me të vërtetë një gjë që nuk shkon te to. Duhet kuptuar që asgjë nuk të ndalon ty, e vetmja gjë që mund të të ndalojë është një sëmundje që në Shqipëri dhe në vendet e vogla akoma nuk njihet”.
