Të ftuarit e rradhës në podcast-in ‘Thjesht me Tean’ ishin dy nga personazhet që kujdesen që mbrëmjet në kryeqytet të jenë sa më argëtuese, Xhani Demika dhe Rezart Cenaj.
Djemtë na treguan sekrete nga profesionet e tyre, ndërsa Demika shkoi pak më tej. Gjatë bisedës me Tean, ai kërkoi ndërgjegjësimin e njerëzve ndaj shëndetit mendor, duke i ftuar të shkojnë tek psikologu, pasi sipas tij është normale të kërkosh ndihmë.
Madje ai na dha dhe shembuj konkretë, duke thënë se këtë e bëjnë edhe VIP-at, ndërsa jeta që tregohet në Instagram është joreale.
Pjesë nga podcast-i
Xhani Demika:
“Këta njerëz nuk e kuptojnë që unë krudot nuk i ha fare, ha përshesh me kos. Nuk e dinë këta që unë nuk fle në hotel por fle në shtëpi.
Ndonjëherë e kam të nevojshme të flas edhe me psikologë, ka ndodhur që kam folur. Këtë jua bëj thirrje të gjithë njerëzve që shikojnë. Mos na shikoni në rrjete sociale, as mua, as këngëtarët dhe asnjeri. Sepse nuk duket jeta aq e bukur sa ç’duket në rrjetet sociale.
Të gjithë artistët, aktorët, menaxherët, drejtorët artistikë, pronarët, kanë nevojë për psikolog. Të gjithë kanë komunikime me psikologë, të gjithë kanë takime me psikologë, sepse psikologu është e vetmja mënyrë që ti mund të reflektosh dhe mund të rikrhehesh në gjendjen që ti dëshiron të jesh. “
