Njerëzit që shikojnë pornografi kanë më shumë gjasa të kenë stabilitet më të ulët në marrëdhënie dhe për këtë arsye një deficit të kënaqësisë trupore, sipas një studimi të ri të botuar në Journal of Sex Research.
Studiuesit në Universitetin Brigham Young të Utah hetuan 3500 njerëz që ishin në marrëdhënie të përkushtuara, duke folur për zakonet e tyre pornografike dhe lumturinë e partnerëve të tyre.
“Çiftet duhet të dinë se shikimi i pornografisë është një faktor rreziku në marrëdhënien e tyre.” tha autori kryesor i studimit, Brian J. Willoughby, një profesor në Shkollën e Jetës Familjare të universitetit Mormon, për gazetën lokale KSL.
Dhe ai nuk po flet vetëm për “hardcore”: “Nuk është vetëm pornografia agresive që çon në rezultate negative,” tha Willoughby. Nga 3500 personat e anketuar, 72% janë identifikuar si heteroseksualë, 17% si homoseksualë dhe 11% si biseksualë. Pesëdhjetë e pesë për qind e pjesëmarrësve ishin në martesën e tyre të parë, 23% bashkëjetonin, 12% ishin të rimartuar dhe 2% ishin në një lidhje të hapur.
Studimi më pas e ndau pornografinë në dy kategori: “mainstream”, ku aktet e seksit konsensual ndodhin midis çifteve ose individëve, dhe “agresive”, të cilat përfshijnë akte “që ishin më të dhunshme dhe që përshkruanin sjellje jokonsensuale”. Sipas Willoughby, meshkujt, veçanërisht ata që janë fetarë ishin më të prekurit nga pornografia
“Mendimi i përgjithshëm është se një pjesë e madhe e pornografisë së zakonshme është e drejtuar drejt meshkujve heteroseksualë.”, tha Willoughby. “Pra, ndoshta ata do të preken më shumë duke e krahasuar veten me burra të tjerë, duke krijuar pritshmëri jorealiste për veten, trupin e tyre, atë që ata mendojnë se duhet të bëjë partneri i tyre.
”Willoughby dhe studiues të tjerë spekuluan se arsyeja pse studimi i preku kaq shumë burrat fetarë ishte fakti se shikimi i pornografisë shkonte kundër bindjeve të tyre morale.
