Sytë e gjithë Europës do të jenë ditën e sotme (16 tetor 2023) në Tiranë, ku do të mbahet për herë të parë Samiti i Procesit të Berlinit. Gjithçka është gati, pritet mbërritja e lidërve të Bashkimit Europian dhe atyre të Ballkanit në ambientet e Piramdiës, ku do të mbahen punimet e samitit.
Presidentja e Komisionit Europian, Ursula von der Leyen mbërriti dje në Tiranë, ndërsa i pranishëm do të jetë edhe Presidenti i Këshillit Europian, Charles Michel. Nuk mund të mungonte kancelari gjerman, Olaf Scholz, vendi i të cilit inicioi Procesin e Berlinit. Në punimet e samtit pritet të marrë pjesë edhe kryeministri spanjoll Pedro Sanchez dhe ai grek Kyriakos Mitsotakis, ndërsa presidenti francez Emmanuel Macron anuloi pjesëmarrjen, mirëpo pasdite do të jetë në Tiranë vizitën e parë zyrtare.
Samiti zhvillohet për herë të parë jashtë kufijve të BE-së dhe organizimi i është besuar qeverisë shqiptare. Do të ketë një fjalë hapëse nga Rama, Scholz, Michel dhe Von der Leyen. Kjo e fundit ka paralajmëruar një paketë të re investimesh nga Bashkimi Evropian mes vendeve të unionit dhe Ballkanit Perëndimor, në kuadër të Procesit të Berlinit.
