Milan ka mundur 1-0 Genoa-n dhe ka marrë kreun e Serisë A në javën e tetë të kampionatit.
Kuqezinjtë kanë përfituar nga ndalesa e Inter-it, që ka barazuar në shtëoi 2-2 kundër Bologna-s, dhe tani kryesojnë të vetëm kampionatin italian.
Siç kuptohet edhe nga rezultati, nuk ka qenë një fitore e lehtë për skuadrën e Piol-it.
VideoTrajneri i kuqezinjve ka zgjedhur të bëjë një rotacion të gjerë për sfidën në “Ferraris”, duke lënë në stol Leao, Giroud dhe Pulisic.
Treshja është aktivizuar në pjesën e dytë dhe ka qenë pikërisht amerikani që ka vendosur ndeshjen me një gol në minutën e 87-të, duke i dhuruar tri pikë shumë të rëndësishme “Djallit”.
Dy lajmet e këqija për Milan-in kanë qenë kartoni i kuq i marrë nga Maignan në fundin e ndeshjes dhe i verdhi i marrë nga The Hernandez, që do të thotë se dy francezët do të jenë të skualifikuar për ndeshjen e ardhshme në kampionat kundër Juventus-it.
Ndeshje që do të luhet 22 tetorin e ardhshëm, pas pushimit të kampionatit për ndeshjet e kombëtareve.Për shkak se Pioli i kishte kryer të gjitha zëvendësimet, vendin e Maignan në portë e ka marrë Giroud, i cili është shpëtuar nga një traversë në minutën e 101-të.
Më pas ka ardhur edhe kartoni i kuq për portierin e Genoa-s, Martinez, për shkak të një ndërhyrje të rrezikshme.
Genoa ka shkuar shumë afër golit të barazimit, por dy pritje shpëtimtare të Giroud kanë ndihmuar Milan-in të largohet nga “Ferraris” me tri pikë.
